....umfazi wezwa igedi livulwa weqa leskomba laso sazama ukugqoka
kanti okungumfazi sokuleplani kudala kwatshela isikomba ukuthi "wena ungagqoki
ngena espeya sabantwana" iskomba laso sangena chop chop umfazi walandel
a lengubo enhle wembathisa iskomba sakhe...isimanga yikuthi
wamtshiya izibunu ziphandle egcekeni wasitshela
isikomba ukuthi singakhulumi njalo singambathi lezibunu...usamfana
wangena wahle watshelwa ukuthi umamazala usespeya sabantwana
uyagula utshiywe ngosbare babuyela...."ngcono likhulumise
umama espeya baba lingakabuyeli emsebenzini baba"..usamfana
wayakhona espeya wahle wathola umnyango uvuliwe wathi ethi
uyabingelela wahle wahlangana lezibunu wabuyela masinya...uyambuza umfazi
"limkhulumisile na umama" kwaba nzima ukuthi umemba atsho
ukuthi uthole izibunu ziphandle wazwakala ethi "yah umama akezwa
kuhle lamuhla sibili, hambelala laye espeya mina
ngizalala labantwana emain bedroom"
umaMlilo epheka labantwabakhe yiyo impilo eyayisiphilwa lapha ekhaya.
Kwakhasakhasa okuSgubhu kwaya kwabambelela kwakhulanyana.
0makhelwane babefisa ukumgcina uSgubhu kodwa uSkhotheni
wayengafuni lakho wayecabanga ukuthi omunye umuntu
wayengeke amphathe ngendlela yena ayemphethe ngayo umtanakhe.
Nanko kusiya kuzamanyana ukuhamba kwaze kwaya kwaqina
.Abanye abantwana nxa beqala ukufunda
ukukhuluma baqala ngokuthi mama uSgubhu okwakhe
kwaba lusizi wayezambiza lowo mama embonaphi emazelaphi ngakho
waqala ngokuthi Baba. Baqinisile ma bethi intandanenhle ngekhothwa ngunina
ngabe phela wayekhona unina wayezamnika uthando njengabobonke
omama kubantwababo. Bonke abantu bakuleyondawo
babekubona lokho umaMlilo ayekwenza uSkhotheni lomntanakhe
kodwa bafele ngaphakathi njengephilisi besabe ukumkhuza ngoba
lalingakutshonela emini. UmaMlilo wayethi angakukhomba
ngomunwe kwakumele uyelabhela ngembuzi nxa kungenjalo
lalikutshonela usukwelamathonga. Ngelinye ilanga uSgubhu esekhulakhulile
wayeselanda iminyaka eyisithupha esebonabona nje okunye
besehlathini loyise wezwakala uyise ethi
;"mfanawami Sgubheqolo sondela lapha:"wasondela uSgubhu
ecabanga nje ukuthi uyise uyamdlalisa njengenjayelo.;"Wamgaxa
okungamaketane okuncane kwegolide okubili okuhlala entanyene wasethi
';"Mfanawami lezizinto ziligugu uzigcine kahle uzifihle
zizakusiza empilweni yizinto ezidulayo lami ngaziphiwa
ngabelungu ababezothenga inkomo kimi namuhla ngizinika wena
;" Khifikhifi-iiiiiiiiii nguSkhotheni esehlisa izinyembezi sokusala ukuthi azibambe
:"Waseqhubeka :"mfanawami mina sengikukhulisile
usukhulile nxa usungaka ngoba mina akusensukuzatshwala
ukuthi ngilale umzimba wami ngiyawuzwa uyangitshela;"Hayi zehla
kuSkhotheni lapho ke loSgubhu zehla lakuye phelamadoda ukubona
indoda ende eyayingangoSkhotheni ikhala kwakuzwisa ubuhlungu
kakhulu. Bakhala uyise lomntwana kwaswelakala ozathulisa omunye
. Waphinde waqonqosela ukuthi lezizinto ayemnike zona azifihle zingabonwamuntu
zizomsiza ekukhuleni. ":Hayi baba ngizalala lawe angifuni ukulala ngedwa ungangitshiyi
ngizahamba lawe baba ungangitshiyi ngokuSgubhu kukhala
ngemva kokuqonqosela kukayise kwazise kwakuzwile
kodwa kungazwisisanga *asihlangane kusasa
Mina ngendlela engangibona ngayo lengqondo yayisithathela kude into
ayengayikhohlwa yikuthandaza ngoba ngikhumbula ngobunye ubusuku
wathandaza waze wakhala inyembezi ethi kungcono Nkosi uthathe
umphefumulo ngoba sengizwile. Wathi eqeda lapho wathi UJEHOVA UNGUMALUSI WAMI.
"Sawubona mfowethu;:kubingelela omunye udade eqondise kuNgadi"kwangathi
ulahlekile kanti futhi ungathi ngiyakufanisa,
awusuki koGodlwayo omnyama umahlabayithwale nje wena?"Kuqhuba lodade"
."Ungifanisa lobani owangaphi kwakoGodlwayo?"NguNgadi esondela
secabanga ukuthi sethole umuntu ozomlayela uNgiga."Mina ngibuya eFilabusi eSanali
kanti igama lami ngingu PERCY MPOFU kodwa sengikhohliwe lapho engakubona
khona"kutsho lodade owayefake izicathulo ezinde lesiketi esifana lokwangaphezulu,l
o noma kanjani ungumongikazi nanoma kuthiwa into ziyafana nguNgadi ezama
ukubuyisa ingqondo ecabangisisa kahle.
Wezwa kubhakuza esifubeni uNgadi ngokukhulunyiswa ngumuntu obonakala ephezulu
ngokwempilo kantifuthi lomuntu ungathi uyamazi. Bamba nansi I 10rand uzathenga isinkwa
sizokhuluma kwelinye ilanga mangabe ngiphinda ngikubona"'
wabonga wangaqedi uNgadi lomuntu owayezihambela wadlula kanjalo wathi
ujahe emsebenzini. Wathenga sona isinkwa wadinga lamanzi wanatha wazizwa eqina
wathi ukubamba ivesi lakhe ngenhliziyo qede wazulazula phela bathi oluzulayo
luyadobha. Kulamalanga wayesehambela endaweni zase Beria ehamba ngo
Abel isitalada athi engafika kwenye indawo mangabe usulanda u Tudhohope kulendawo
okuphekwa khona amapapa afike acele ukubagezisela izitsha lamabhodo bamnike ipapa ayelala
ngesibomvu. Lapho ayehamba khona wayesehamba evule amehlo ethi uzabona uNgiga kodwa
lutho Ngiga ukubonakala phela abantu banengi egoli kanti futhi wawungeke usamazi uNgadi
wena ngendlela ayeseyiyona.***siyazigoqa lana namhlanje***asihlangane
ngoluzayo....iNkosi ibe nani buthongo obuhle kininonke.
No comments:
Post a Comment